«Arsenal»da bu mavsum pasayish kuzatilmoqda

Londonning «Arsenal» klubi joriy Angliya Premyer-ligasida bir yil avvalgidek barqaror emas.

Shanba kuni Mikel Arteta shogirdlari o‘z maydonida «Everton»ni mag‘lub eta olmadi - 0:0. «Kanonirlar» 16 turdan so‘ng 30 ochkoga ega, bu o‘tgan mavsumdagidan olti ochko kam. O‘shanda «Arsenal» ikkinchi o‘rinda edi va to‘plar farqi 33:15 bo‘lgan, hozir esa jamoa uchinchi o‘rinda, urilgan va o‘tkazib yuborilgan gollar o‘rtasidagi farq esa 29:15.

«Kanonirlar» keyingi turda mehmonda «Kristal Pelas»ga qarshi bahs olib boradi. Uchrashuv 21 dekabr kuni bo‘lib o‘tadi.