Edegor nega almashtirildi? Arteta javob berdi
Londonning «Arsenal» klubi bosh murabbiyi Mikel Arteta «Everton»ga qarshi o‘yinda (0:0) nima uchun sardor Martin Edegorni almashtirganini tushuntirdi.
Ispaniyalik mutaxassis o‘yinning 62-daqiqasida kutilmaganda asosiy o‘yinchisini o‘zgartirishga qaror qildi va uning o‘rniga Etan Nvanerini maydonga tushirdi.
«Edegorni almashtirish - bu taktik qaror. Hech qanday jarohat yoki shunga o‘xshash narsa yo‘q. Lekin men bu qanday ishlashini tushunaman. Agar Etan maydonga tushsa va gol ursa, men ajoyib almashtirishni amalga oshirgan bo‘laman. Agar yo‘q bo‘lsa, men sardorni zaxiraga olgan bo‘laman», - dedi Arteta.
