Arteta «Arsenal»ni «Stok Siti»ga qiyoslagan Berbatovga javob qaytardi

«Arsenal» shu hafta o‘rtasida Premyer-ligada «Manchester Yunayted»ni 2:0 hisobida mag‘lub etdi. Ikkala golni ham «kanonirlar» burchak zarbalaridan keyin kiritdilar. O‘tmishda mashhur bo‘lgan futbolchi Dimitar Berbatov hatto London jamoasini yangi «Stok Siti» deb atadi. «Arsenal» bosh murabbiyi Mikel Arteta bunday taqqoslashga munosabat bildirdi.

«Men Berbatov nimani nazarda tutganini juda yaxshi tushundim. Biz buni katta maqtov sifatida qabul qilamiz, chunki «Stok Siti» bu borada juda yaxshi edi», - dedi Arteta matbuot anjumanida.

«Arsenal»ning navbatdagi o‘yini 8 dekabr, yakshanba kuni bo‘lib o‘tadi. Mikel Arteta jamoasi safarda «Fulxem»ga qarshi o‘ynaydi.