Husanovning jamoadoshi "Tottenxem"ga o‘tishi mumkin

"Shporlar" bosh murabbiyi Ange Postekogluni boshqaruv raisi Daniel Levini to‘liq qo‘llab-quvvatlaydi va uning jamoasi Premyer-liganing so‘nggi besh o‘yinida atigi bitta g‘alaba qozonganiga qaramay, iste’foga chiqish xavfi ostida emas. "Tottenxem" maydon markazini kuchaytirmoqchi va bor e’tiborini Fransiya chempionati vakiliga qaratgan.

GiveMeSport xabariga ko‘ra, londonliklar markaziy va hujumkor yarim himoyachi sifatida o‘ynashga qodir bo‘lgan "Lans" futbolchisi Andi Diufga e’tibor qaratmoqda. Transfermarkt xabariga ko‘ra, yarim himoyachining narxi 10 million yevroni tashkil qiladi.

Joriy mavsum Andi Diuf 16 ta o‘yinda maydonga tushib, 1 ta gol va bitta golli uzatmani amalga oshirdi.