"Manchester Yunayted" Reshford o‘rniga besh yulduz futbolchini tanladi

"Manchester Yunayted" tez orada sotilishi mumkin bo‘lgan hujumchi Markus Reshfordga o‘rinbosar qidirmoqda.

So‘nggi paytlarda mish-mishlar inglizning ketishi mumkinligi bilan faol ravishda bog‘lanmoqda. CaughtOffside ma’lumotlariga ko‘ra, Viktor Dyokeresh ("Sporting Lissabon"), Viktor Osimxen ("Napoli", "Galatasaroy"da ijarada), Evan Fergyuson ("Brayton"), Dushan Vlaxovich yoki Kenan Yildiz (ikkalasi ham "Yuventus") "qizil iblislar" hujumida Reshfordning o‘rnini bosishga nomzodlar qatorida.

Markus Reshford joriy mavsumda "Manchester Yunayted" safida barcha turnirlar doirasida 24 ta o‘yinda maydonga tushib, 7 ta gol urdi va 3 ta golli uzatmani amalga oshirdi.