"Bayer" "Real" futbolchisini ijaraga olmoqchi

"Real" yarim himoyachisi Arda Gyulerning kelajagi muhokama ostida qolmoqda, ammo madridliklar bosh murabbiyi Karlo Anchelotti turkiyalik futbolchi qishki transfer oynasida hech qayoqqa ketmasligini takrorlashdan charchamayapti.

Shu bilan birga, TodoFichajes portalining yozishicha, “Bayer” bosh murabbiyi Xabi Alonso Gyulerni Madrid klubidan ijaraga olmoqchi. Gyuler ko‘proq o‘ynash uchun Leverkuzenning "Bayer" klubiga ijaraga ketishga rozi bo‘ladi, ammo "Real" yosh futbolchini qo‘yib yuborishga rozi bo‘ladimi yoki yo‘qmi, hozircha noma’lum.

Arda Gyuler 19 yoshda. Nufuzli Transfermarkt portali yarim himoyachini 45 million yevroga baholamoqda.