"Botafogo" 29 yil ichida birinchi marta Braziliya chempioniga aylandi
“Botafogo” Braziliya chempionatining so‘nggi turida “San-Paulu”ni mag‘lub etdi (2:1) va mamlakat chempioniga aylandi.
“Botafogo” “Fluminense”ga yutqazgan (0:1) “Palmeyras”dan 3 ochko oldinda, 79 ochko bilan turnir jadvalida birinchi o‘rinni egalladi.
"Botafogo" uchinchi bor Braziliya chempioniga aylandi. Ilgari Rio-de-Janeyro jamoasi 1968 va 1995 yillarda g‘alaba qozonishga muvaffaq bo‘lgan. 1 dekabr kuni "Botafogo" birinchi marta Libertadores kubogini qo‘lga kiritgan edi.
