Vinisius "Atalanta"ga qarshi maydonga tushishi mumkin

"Real Madrid" Chempionlar ligasi umumiy bosqichi 6-turidan o‘rin olgan "Atalanta"ga qarshi o‘yinda maydonga tushishi mumkin bo‘lgan futbolchilar ro‘yxatini e’lon qildi.

Jamoa tarkibida jarohatidan forig‘ bo‘lgan hujumchi Vinisius Junior bor.

Noyabr oyida braziliyalik futbolchiga chap oyog‘i mushaklari shikastlangani aniqlangan, shu sababli u 4 ta uchrashuvni o‘tkazib yuborgan.

Joriy mavsumda Vinisius 18 uchrashuvda 12 ta gol urdi va 8 ta golli uzatmani amalga oshirdi.

"Atalanta" va "Real Madrid" uchrashuvi 10 dekabr kuni Bergamoda bo‘lib o‘tadi.