Ibrahimovich: "Xoland yangi Zlatan bo‘lishi mumkin emas"

Zlatan Ibragimovich Erling Xolandni unga qiyoslashiga munosabat bildirdi.

"Ehtimol, uning menga o‘xshashi soch turmagidadir. Men futbolchilarni bir-biriga solishtirishni yoqtirmayman, chunki har kim o‘z yo‘lidan boradi va o‘z hikoyasini yozadi.

Mening o‘z davrim bor edi, o‘zimcha o‘ynadim. Endi uning o‘z davri bor, o‘ziga xos tarzda o‘ynayapti. Demak, "yangi Zlatan" bo‘lishi mumkin emas.

Men o‘z ishimni qildim, lekin muddat allaqachon o‘tib ketdi. Erling Xoland ajoyib o‘yinchi va ajoyib ishni bajarmoqda", - dedi “Milan” xo‘jayini maslahatchisi.