Ibrahimovich murabbiy bo‘lishni xohlaydimi?

"Milan", "Barselona" va "PSJ" klublarining sobiq futbolchisi Zlatan Ibrahimovich murabbiylik faoliyati haqidagi savolga javob berdi.

"Men hali ham murabbiy bo‘lishni xohlamayman, chunki bu men uchun juda ko‘p ish olib keladi. Siz juda ko‘p sohalarni qamrab olishingiz, g‘oyalar va yechimlarni topishingiz, o‘yinlarga tayyorgarlik ko‘rishingiz va ularni kuzatishingiz kerak. Siz kechayu kunduz ishlaysiz. Murabbiy sifatidagi bir yil 10 yildek tuyuladi. Shuning uchun bu menga yoqmaydi", dedi Ibrahimovich.

Klubdagi faoliyati davomida Zlatan Ibrahimovich barcha musobaqalarda 827 ta o‘yin o‘tkazgan. Ularda u 496 ta gol urdi va 202 ta golli uzatmani amalga oshirdi. Shvesiyalik futbolchi hozirda "Milan"da ishlamoqda. U klub xo‘jayinlarining maslahatchisi.