Italiya Millatlar ligasi chorak finalida Germaniyani qaysi stadionda qabul qilishi ma’lum bo‘ldi

Millatlar ligasining 1/4 final bosqichidan o‘rin olgan Italiya - Germaniya birinchi o‘yini Milanda «San-Siro» stadionida bo‘lib o‘tadi, deb xabar beradi Italiya futbol federasiyasi sayti.

O‘yin 20 mart kuni bo‘lib o‘tadi. Uchrashuv soat 23.45da boshlanadi. Javob o‘yini 23 mart kuni bo‘lib o‘tadi. Ushbu o‘yin qaysi stadionda bo‘lib o‘tishi hozircha ma’lum emas.

Italiya terma jamoasi Germaniyaga qarshi «San-Siro»da 4 ta o‘yin o‘tkazdi, ularning barchasi o‘rtoqlik o‘yinlari bo‘ldi. Italiyaliklar ikki marta g‘alaba qozonishgan, ikkita o‘yin durang bilan yakunlangan.