"Chelsi" va "Yunayted" yosh futbolchi uchun kurashadi

"Chelsi" "Lechche" chap qanot himoyachisi Patrik Dorgu uchun kurashda "Manchester Yunayted"dan oldinda. Bu haqda TeamTalk xabar bermoqda.

Italiya klubi futbolchini qishda qo‘yib yuborish niyatida emas, ammo kelasi yozda takliflarni ko‘rib chiqishi mumkin. Ma’lum qilinishicha, "Lechche" o‘z futbolchisi uchun kamida 40 million yevro talab qilmoqda. "Tottenxem" ham futbolchiga e’tibor qaratmoqda.

Dorguning "Lechche" bilan shartnomasi 2029 yilning yoziga qadar tuzilgan. Patrik joriy mavsumda jamoa safida 15 ta o‘yin o‘tkazdi. Ularda u uchta gol urdi.