"Manchester Yunayted" "Borussiya" yarim himoyachisiga ko‘z tikdi

"Manchester Yunayted" Dortmundning "Borussiya" klubining germaniyalik yarim himoyachisi Feliks Nmechani sotib olish imkoniyatini ko‘rib chiqmoqda. Bu haqda CaughtOffside yozadi.

Qayd etilishicha, Dortmund klubi futbolchini kamida 40-45 million yevroga sotishga tayyor. Futbolchini, shuningdek, "Nyukasl", "Aston Villa" va boshqa bir qator Premyer-liga klublari ham kuzatib borishmoqda. Nemisning klub bilan tuzilgan mehnat shartnomasi 2028 yilning yoziga qadar mo‘ljallangan.

Feliks Nmecha joriy mavsumda Dortmundning “Borussiya” klubi safida 19 ta o‘yin o‘tkazdi. Ularda u uchta gol urdi va ikkita golli uzatmani amalga oshirdi.