"Inter Mayami" KO‘JCH-2025 ochilish uchrashuvida o‘ynaydi
"Inter Mayami" klublar o‘rtasidagi jahon chempionatining ochilish o‘yinida "Al Ahli" bilan o‘ynaydi.
Kecha 2025 yilgi jahon chempionatiga qur’a tashlash marosimi bo‘lib o‘tdi. Klublar o‘rtasidagi jahon chempionati 2025 yilning 15 iyunidan 13 iyuliga qadar AQSHda bo‘lib o‘tadi.
Lionel Messi boshchiligidagi "Inter Mayami" 15 iyun kuni "Hard Rock" stadionida bo‘lib o‘tadigan ochilish o‘yinida Qohiraning "Al Ahli" klubiga qarshi maydonga tushadi.
Turnir ilk bor yangi formatda o‘tkaziladi – unda 8 ta guruhga bo‘lingan holda 32 ta klub ishtirok etadi.
