Avgustdan buyon gol urolmayotgan Zirkzee bugun dubl qayd etdi

Joshua Zirkzee avgust oyidan beri birinchi marta «Manchester Yunayted» safida gol urdi.

Hujumchi APL 13-turining 41 va 64-daqiqalarida «Everton» darvozasiga mankunliklarning ikkinchi va to‘rtinchi gollarini kiritdi (4:0, ikkinchi bo‘lim). Bungacha «MYU» safidagi yagona golni Zirkze 16 avgust kuni «Fulxem»ga qarshi 1-tur uchrashuvida (1:0) kiritgandi.

Markus Reshford ham 34 va 46-daqiqalarda gol urib, dubl qayd etdi. Hujumchi APLning ketma-ket 2-o‘yinida gol urdi - Ruben Amorim boshchiligida ligada 2 ta o‘yinda u 3 ta gol urdi. Erik ten Xag davrida Reshford APLning 9 o‘yinida atigi 1 ta gol urdi (Rud van Nistelroy boshchiligidagi Premyer-liganing ikkita o‘yinida Markus gol ura olmagandi).