Xoland 2024 yilda oltinchi bor xet-trik qayd etdi

Erling Xoland joriy mavsumda uchinchi xet-trikini qayd etdi.

Norvegiya terma jamoasi hujumchisi Millatlar ligasidagi Qozog‘istonga qarshi o‘yinda uch marta: 23-, 37- va 71-daqiqalarda gol urdi.

24 yoshli hujumchi bundan oldin 31 avgust kuni, undan avval esa 24 avgust kuni uchta gol urgan edi.

2024 yilda u milliy terma jamoa va «Manchester Siti» tarkibida jami oltita xet-trik qayd etgan, shu jumladan to‘rt va besh gol urgan o‘yinlar ham bor.