"Real" Devis uchun o‘z futbolchisini sotmoqchi
Madridning "Real" klubi chap qanot himoyachisi Fran Garsiya klubini o‘zgartirishi mumkin.
Diario Sport nashri xabariga ko‘ra, "Real" "Bavariya" himoyachisi Alfonso Devisga qanotdan joy bo‘shatish uchun Garsiyani sotishga tayyor. Avvalroq Devis joriy mavsum yakunlanganidan keyin "Los-Blankos"ga tekinga o‘tishi haqida xabar berilgandi.
25 yoshli Garsiya "Real Madrid" bitiruvchisi hisoblanadi. Joriy mavsumda u barcha musobaqalarda 13ta o‘yinda qatnashib, birorta ham gol ura olmadi. Garsiyaning klub bilan amaldagi shartnomasi 2027 yilgacha mo‘ljallangan.
Transfermarkt portali futbolchining narxini 15 million yevroga baholamoqda.
