Slot rekordlarni zabt etishda davom etadi

"Liverpul" bosh murabbiyi Arne Slot ingliz futbolida rekord o‘rnatishda davom etmoqda.

Yakshanba kuni “qizillar” safarda “Sautgempton”ni mag‘lub etib (3:2), joriy APLdagi o‘ninchi g‘alabasini qo‘lga kiritdi.

O‘nta g‘alabaga erishish uchun Slotga atigi 12 ta o‘yin kerak bo‘ldi - bu Premyer-liga rekordini takrorlaydi, deb xabar beradi Opta.

Avvallari bunday natijaga faqat «Chelsi»da ishlagan Karlo Anchelotti va Gus Xiddink erishgandi.