«Barselona» va «Atletiko Madrid» o‘rtasidagi La Liga uchrashuvi AQSHda o‘tkazilmaydi

Ispaniya La Ligasi dekabr oyida «Barselona» va «Atletiko» o‘rtasidagi o‘yinni AQSHda o‘tkazish g‘oyasidan voz kechdi. Bu haqda «The Guardian» nashri o‘z sahifalarida ma’lum qildi.

Ispaniya chempionati o‘yinini AQSHda o‘tkazish haqidagi qaror bahs-munozaralarga sabab bo‘lishi mumkin. Hozircha hech bir top liga Amerikada o‘yin o‘tkazmagan. Darvoqe, bunday g‘oya muhokama qilishda davom etadi, chunki AQSHda fan-bazalardan keladigan daromad ketidan quvib yurgan manfaatdor shaxslar bor.

Ehtimol, La Liga keyingi mavsumda AQSHda o‘yinlardan birortasini o‘tkazishga harakat qiladi.