Shesni nega faoliyatini tiklaganini tushuntirdi
«Barselona»ning yangi futbolchisi Voysex Shesni faoliyatini davom ettirish haqidagi qarori haqida gapirdi.
Oktyabr oyi boshida polyak Kataloniya klubi bilan mavsum oxirigacha shartnoma imzoladi. Bundan atigi bir oy muqaddam 34 yoshli darvozabon «Yuventus» bilan xayrlashib, faoliyatini yakunlaganini e’lon qilgandi.
«Futboldagi faoliyatini yakunlaganimdan xursand bo‘lgandim, lekin hayotda o‘zini baxtli his qilishning o‘zi yetarli emas. Bu yoqimli va qulay tuyg‘u, lekin qiyinchilik tug‘ilganda, o‘zgacha ish qilish va odamlar tomonidan eslab qolish imkoniyati paydo bo‘lganda, sizning motivasiyangiz kuchayadi», - deya tushuntirdi Shesni "Diario Sport" nashriga bergan intervyusida.
