«Barsa»da asosiy darvozabon kim bo‘lishi oydinlashdi
«Barselona»ning joriy mavsumdagi birinchi darvozaboni kim bo‘lishi haqida ma’lumot paydo bo‘ldi.
"Diario Sport" xabariga ko‘ra, «Barselona» bosh murabbiyi Xans-Diter Flik zaxira darvozabonlarining yuqori saviyada o‘ynash tajribasiga ega emasligi sababli Voysex Shesni bilan shartnoma imzolashni ma’qullagan. Shu bilan birga, Inyaki Penya «ko‘k-anorranglilar»ning asosiy tarkibida maydonga tushishda davom etishi xabar qilinmoqda.
Eslatib o‘tamiz, 34 yoshli Shesni oktyabr oyi boshida «Barselona» bilan shartnoma imzolagan edi. Hozircha polshalik darvozabon Kataloniya klubida debyut o‘tkazmagan.
