Terri: "Ronaldu 1000 ta gol ura oladi"

"Chelsi"ning sobiq sardori Jon Terri Krishtianu Ronaldu faoliyatidagi 1000ta golga erisha oladimi yoki yo‘qmi, degan fikr bilan o‘rtoqlashdi. Hozirda 39 yoshli portugaliyalikning hisobida 910 ta gol bor.

"Ronaldu fenomenal va aql bovar qilmaydigan futbolchi. U tomosha qilishdan zavqlanadigan yigitlardan biri. U gol urishni yaxshi ko‘radi. Ronaldu faoliyatining boshidanoq aynan mana shunday. U hozir 39 yoshda va bu aql bovar qilmaydigan darajada. Va menga ishoning, bu oxiri emas. U 1000 ta gol urishga e’tibor qaratgan. U bunga albatta erishadi. U buni amalga oshiradi", - dedi Terri "An-Nasr" matbuot xizmatiga.

Krishtianu Ronalduning "An-Nasr" bilan amaldagi shartnomasi 2024/2025 yilgi mavsum oxirigacha amal qiladi.