Rossiya so‘nggi 5 ta o‘yinida 30 ta gol urdi

Rossiya terma jamoasi qatorasiga beshinchi o‘yinda g‘alaba qozondi.

Murabbiy Valeriy Karpin shogirdlari Krasnodarda o‘rtoqlik uchrashuvida Bruneyni mag‘lub etishdi (11:0).

Rossiya o‘zining so‘nggi beshta g‘alabasini umumiy 30:0 hisobida qo‘lga kiritdi. Jamoa Vyetnam (3:0), Belarus (4:0), Serbiya (4:0) va Kuba (8:0) jamoalarini mag‘lub etdi.

Mag‘lubiyatsiz seriya 8 ta o‘yinga yetdi. 2023 yil 11 sentyabr kuni Rossiya yoshlar jamoasi bilan o‘ynab, Misr U23 (0:1)ga mag‘lub bo‘ldi.