Martino "Inter Mayami"ning mag‘lubiyati haqida gapirdi

Xerardo Martino "Atlanta" bilan o‘yinda (2:3) hakamlikdan norozi edi. Natijada "Inter Mayami" MLS pley-off bosqichidan chiqib ketdi.

"Atlanta"ga qarshi o‘yinda "Inter"ning goli 25-daqiqada ofsayd tufayli bekor qilindi. O‘shanda "Mayami" futbolchilari jarima maydonchasi ichida qo‘l bilan o‘ynagani uchun penalti talab qilishgan, biroq penalti belgilanmadi.

"Birinchi bo‘limda aniq, juda aniq penalti bo‘ldi. Suares ularning o‘yinchisining qo‘liga to‘pni tekkazdi, hakam ham tekshirmadi. Bu lahza men uchun hal qiluvchi ahamiyatga ega", - dedi “Inter Mayami” ustozi.