Desham: "Mbappening yo‘qligi sportdan tashqari muammolarga bog‘liq emas"
«Real» hujumchisi Kilian Mbappe Fransiya terma jamoasining noyabr oyidagi yig‘iniga chaqirilgan futbolchilar ro‘yxatiga kiritilmadi.
“Uch ranglilar” bosh murabbiyi Didye Desham bu borada fikr bildirdi.
"Men Mbappe bilan suhbatlashdim va shunday bo‘lsa yaxshiroq bo‘lardi, degan qarorga keldim. Kilian kelmoqchi edi.
Uning yo‘qligi sportdan tashqari muammolarga bog‘liq emas. Men sizga ortiqcha so‘z aytmayman. Takror aytaman, bu mening qarorim", - dedi Desham jurnalistlarga.
