Bernardu Silva: "Muammolarni tezroq hal qilishimiz kerak, aks holda..."

"Manchester Siti" yarim himoyachisi Bernardu Silva "Sporting"dan uchralgan mag‘lubiyat (1:4) haqida fikr bildirdi.

"Albatta, bu natija achinarli, hammasi biz xohlagandek ketayotgani yo‘q. Biz yaxshi o‘ynagan daqiqalarda ham imkoniyatlarimizdan foydalana olmadik va o‘ta oson gol o‘tkazib yubordik. Muammolarni imkon qadar tezroq hal qilishimiz kerak, aks holda juda kech bo‘lishi mumkin. Bu futbol, hozir biz bilan sodir bo‘layotgan voqealarning sabablarini topish qiyin, men oxirgi marta qachon ketma-ket uchta o‘yinda mag‘lub bo‘lganimizni ham eslay olmayman. Mag‘lubiyatlarga qaramay, biz Chempionlar ligasida ham, Angliya Premyer-ligasida ham raqobatbardoshligimizdan hursandman", - deya Silvadan iqtibos keltiradi TNT Sports.