Luis Dias YECHLda xet-trik qayd etgan ikkinchi kolumbiyalikka aylandi
Yevropa futbolida Yevropaning eng nufuzli klub turniri – Chempionlar ligasi umumiy bosqichining navbatdagi turidan o‘rin olgan uchrashuvlar bo‘lib o‘tdi. Angliyaning "Liverpul" klubi o‘z maydonida "Bayer Laverkuzen"ni qabul qildi va javobsiz 4 ta gol urdi.
Gollardan uchtasini kolumbiyalik futbolchi Luis Dias o‘z hisobiga yozdirib qo‘ydi.
Ma’lum bo‘lishicha, u Chempionlar ligasi o‘yinida xet-trik qayd etgan ikkinchi kolumbiyalik futbolchiga aylandi. Birinchisi 1997 yilda Faustino Asprilya bo‘lgan, u "Nyukasl"da o‘ynagan va "Barselona" darvozasiga uchta gol urgan.
