"Makkabi"ning "Beshiktosh"ga qarshi o‘yini neytral maydonga ko‘chiriladigan bo‘ldi

Yevropa futbol assosiasiyalari ittifoqi (UYEFA) Yevropa Ligasi umumiy bosqichining 5-turidan o‘rin olgan Turkiyaning “Beshiktosh” hamda Isroilning “Makkabi Tel-Aviv” jamoalari o‘rtasidagi uchrashuvni neytral maydonga ko‘chiradi, deb xabar bermoqda Daily Sabah.

O‘yin 28 noyabr kuni Istanbulda bo‘lib o‘tishi rejalashtirilgan, biroq o‘yin Turkiyadan tashqarida bo‘lib o‘tadi.

Qayd etilishicha, “Beshiktosh” G‘azo sektoridagi janglar tufayli Isroilga nisbatan salbiy munosabat kuchaygan bir paytda o‘z maydonida “Makkabi” bilan o‘ynashga qarshilik qilgan.

O‘yin bo‘lib o‘tadigan mamlakat va stadion keyinroq ma’lum qilinadi.