"Inter Mayami" muddatidan avval MLS chempioniga aylandi. Messi uchun 46-kubok

"Inter Mayami" muddatidan avval MLSning navbatdagi mavsumi g‘olibiga aylandi.

Bugun Florida klubi "Kolambus Kryu"ni mag‘lub etdi (3:2) va 32 ta o‘yindan so‘ng 68 ochko bilan umumiy liga jadvalida birinchi o‘rinni egalladi.

Shu tariqa, "Inter Mayami" MLSning navbatdagi mavsumi g‘olibiga topshiriladigan "Supporters’ Shield" sovrinini qo‘lga kiritdi.

Bugun dubl qayd etgan Florida klubi hujumchisi Lionel Messi uchun bu uning faoliyatidagi 46-chi sovrindir. U avval "PSJ" va "Barselona"da o‘ynagan.