«Bavariya» Bundesligada mag‘lubiyatsiz odimlamoqda

«Bavariya» Germaniya chempionatining joriy mavsumida hali mag‘lubiyatga uchramadi.

Bugun Vensan Kompani boshchiligidagi jamoa Germaniya chempionatining 9-turida «Union»ni 3:0 hisobida mag‘lub etdi.

Myunxen klubi 23 ochko to‘plagan holda turnir jadvalida 1-o‘rinni egallab turibdi - uning hisobida 7 g‘alaba va 2 durang bor. «Bavariya» «RB Leypsig»dan 3 ochko oldinda.

Bundesliganing navbatdagi turida «Bavariya» «Sankt-Pauli» mehmoni bo‘ladi.