Keyn 30 yoshdan oshgan eng yaxshi futbolchi kim ekanligini aytdi

Xarri Keyn Krishtianu Ronalduni 30 yoshdan oshgan eng yaxshi futbolchi deb atadi.

«Bavariya» va Angliya terma jamoasi hujumchisi blis-so‘rovda ishtirok etib, u yerda ma’lum tavsiflarga ega futbolchilarni tanladi.

Keyn Krishtianu Ronalduni «o‘ttiz yoshdan kattalar» toifasidagi eng yaxshi futbolchi deb atadi. Ingliz o‘zini futbolda hujumlarni eng yaxshi yakunlovchi, de Bryuyneni esa eng yaxshi to‘p uzatuvchi deb atadi.

Xarri Lamin Yamalni eng yaxshi yosh futbolchi sifatida ajratib ko‘rsatdi. Xolandni esa «yirtqich» so‘zi bilan ta’riflab, jismoniy jihatdan eng kuchli futbolchi deb atadi. Faoliyatini yakunlagan afsonalar orasida Xarri Zinedin Zidanni futbolga qaytarishni xohlaydi.

Angliya terma jamoasi sardori Jamol Musialani eng texnik, Kayl Uokerni esa eng tezkor deb hisoblaydi.