Leauga Madrid klubi ham qiziqib qoldi
Portugaliya terma jamoasi va "Milan" klubi hujumchisi Rafael Leau A Seriyani Ispaniya La Ligasiga o‘zgartirishi mumkin. Bu haqda Todofichajes portali jurnalistlari xabar bermoqda.
Manbaning xabariga ko‘ra, 25 yoshli forvardni o‘z safiga qo‘shib olishga "Atletiko" klubi qiziqmoqda. "Matraschilar" yaqin orada Rafaelni qo‘lga kiritishga harakat qilishlari mumkin. Portugaliyalikning transfer narxi 75 million yevroga baholanmoqda va uning mehnat shartnomasi 2028 yilning iyun oyi oxirida tugaydi.
