"Real Madrid" rahbari Anchelotti borasida bir qarorga keldi
"Real Madrid" prezidenti Florentino Peres jamoa bosh murabbiyi Karlo Anchelotti kelajagi borasida bir qarorga keldi. Menejer italiyalik mutaxassisga to‘liq ishonadi va ishdan bo‘shatish haqida o‘ylamaydi, deya xabar beradi Todofichajes.
O‘tgan mavsumda Anchelotti boshchiligida "Los Blankos" Ispaniya chempioni va UEFA Chempionlar Ligasi g‘olibiga aylandi. 65 yoshli mutaxassis 2021 yilning iyulidan beri Madrid grandiga ustozlik qilib kelmoqda.
Bir kun avval "Real" "Santyago Bernabeu"da kataloniyalik "Barselona"dan yirik hisobda mag‘lub bo‘ldi. “Qaymoqranglilar” asosiy raqibiga 0:4 hisobida imkoniyatni boy berishdi. Ushbu muvaffaqiyatsizlikdan so‘ng madridliklar La Ligada kataloniyaliklardan 6 ochko ortda qolmoqda.
