Balotelli dushanba kuni yangi jamoasi uchun tibbiy ko‘rikdan o‘tadi

Mario Balotelli "Jenoa" bilan shartnoma borasida kelishib oldi.

Jurnalist Janluka Di Marsioning xabar berishicha, forvard 2025 yilning iyunigacha shartnoma imzolaydi. Uning maoshi ish natijalariga ko‘ra bonuslarga qarab, soliqlarsiz 400 dan 500 ming yevrogacha bo‘ladi. Shartnoma, shuningdek, muayyan shartlar asosida bekor qilish imkoniyatini ham nazarda tutadi.

Balotelli dushanba kuni "Jenoa"da tibbiy ko‘rikdan o‘tishi kutilmoqda.

Hozir 34 yoshli Balotelli "Adana Demirspor"dan ketganidan so‘ng erkin agent hisoblanadi.