Pogba "An-Nasr"ga o‘tishi mumkin
Pol Pogba Krishtianu Ronalduning jamoadoshiga aylanishi mumkin.
Fransiyalik yarim himoyachi doping diskvalifikasiyasini o‘tamoqda. U 2025 yilning martiga qadar maydonga qaytmaydi, ammo yanvarda mashg‘ulotlarni boshlashi mumkin.
TEAMtalk xabariga ko‘ra, 31 yoshli futbolchiga Krishtianu Ronaldu to‘p tepadigan "An-Nasr" eng katta qiziqish bildirmoqda.
Pogba 2021/22 yilgi mavsumda "Manchester Yunayted"da Ronaldu bilan birga o‘ynadi va ular yaxshi munosabatda.
Yarim himoyachiga da’vogarlar qatorida "Marsel" va "Los-Anjeles" klublari tilga olingan.
Pogbaning "Yuventus" bilan amaldagi shartnomasi bor, ammo klub uni bekor qilish ustida ishlamoqda.
