Balotellining yangi klubi bilan taqdiri qachon hal bo‘ladi?

Hujumchi Mario Balotelli tez orada rasman A Seriyaga qaytishi mumkin.

Yozda italiyalik futbolchi Turkiyaning “Adana Demirspor” klubi bilan xayrlashdi – shundan beri forvard erkin agent maqomida edi.

Oktyabr oyi boshida "Jenoa" 34 yoshli futbolchiga murojaat qildi, ammo muzokaralar cho‘zilib ketdi, chunki Genuya klubi kelishuvning amalga oshishiga to‘liq ishonch hosil qilmagan.

Jurnalist Nikolo Skiraning yangilangan ma’lumotlariga ko‘ra, Balotellining kelajagi yaqin orada hal bo‘ladi. Juma kuni genuyaliklar futbolchiga yakuniy javob berishlari kerak.