"Real Madrid" Ramosni qaytarish imkoniyatini umuman ko‘rib chiqmadi

"Real Madrid" Serxio Ramosni tarkibga qaytarish haqida o‘ylamagan.

Ispaniyalik markaziy himoyachining "Los-Blankos"ga qaytishi mumkinligi haqidagi mish-mishlar jamoaning himoyadagi jarohatlar tufayli yuzaga kelgan muammolari fonida paydo bo‘ldi.

Jurnalist Xose Feliks Diasning yozishicha, Ramosning "Real"ga qayta qo‘shilishi mumkinligi haqidagi ma’lumotlar haqiqatga to‘g‘ri kelmaydi – madridliklar rahbariyati bu variant haqida o‘ylamagan ham.

Serxio Ramos 2005 yildan 2021 yilgacha "Real Madrid" sharafini himoya qilgan, shundan so‘ng "PSJ" va "Sevilya"da o‘ynashga muvaffaq bo‘lgan. Hozirda markaziy himoyachi 38 yoshda, u erkin agent sifatida qolmoqda va yangi klub izlashda davom etmoqda.