Dalot maydondan chetlatilganidan ikki daqiqa o‘tgach "Arsenal" hisobni tenglashtirdi

"Manchester Yunayted" bir kishi kam bo‘lib qoldi va darhol "Arsenal" gol urdi.

Jamoalar Angliya kubogining 3-bosqichida to‘qnash kelishmoqda.

49-daqiqada "mankunianliklar" himoyachisi Diogo Dalot Maylz Lyuis-Skelliga zarba bergani uchun sariq kartochka oldi. 61-daqiqada portugaliyalik futbolchi Mikel Merinoga ham xuddi shunday qoida buzdi va hakam Endi Medlidan ikkinchi kartochkani oldi.

63-daqiqadayoq "Arsenal" ko‘pchilikdan unumli foydalanib, Gabriel Magalyaesning aniq zarbasi natijasida hisobni tenglashtirdi.