"Torino"ning o‘z futbolchisi uchun qancha talab qilayotgani ma’lum bo‘ldi

"Torino" yarim himoyachisi Ivan Ilich Moskvaning "Spartak" klubiga o‘tishi mumkin.

"Qizil-oqlar"ning serbiyalik futbolchiga qiziqishi haqidagi ma’lumotlar kuni kecha paydo bo‘ldi. Euro-Football.Ru internet nashri xabariga ko‘ra, turinliklar 23 yoshli futbolchi uchun 20 million yevro taklif qilinmasa, uni sotmaydi.

Ivan Ilich joriy mavsumda "buqalar" safida 13 ta o‘yinda maydonga tushib, 1 ta gol va bitta golli uzatmani amalga oshirdi.

«Manchester Siti»ning sobiq yarim himoyachisining Turin klubi bilan amaldagi mehnat shartnomasi 2027 yilning o‘rtalariga qadar tuzilgan.