"Liverpul" 20 yoshli senegallik futbolchiga e’tiborini qaratdi

Praganing "Slaviya" klubi futbolchisi Malik Diuf "Liverpul" e’tiborini tortdi.

Ingliz grandi vakillari allaqachon 20 yoshli himoyachining agenti bilan bog‘lanishgan, deb xabar beradi jurnalist Amadu Bamba. Chexiya klubi senegallik futbolchining narxini 25 million yevroga baholasa, mashhur Transfermarkt portalida futbolchining narxi 16 million yevroga baholanmoqda.

Malik Diuf ham himoya qanotida, ham hujumga yaqinroq o‘ynashga qodir. U joriy mavsum "Slaviya" safida 28 ta o‘yinda maydonga tushib, 6 ta gol va 3 ta golli uzatmaga mualliflik qilgan. Afrika futbolining o‘sib borayotgan yulduzining amaldagi shartnomasi 2028 yilning o‘rtalariga qadar tuzilgan.