"PSJ" "Aston Villa" futbolchisi uchun 65 million yevro sarflashga tayyor

"Aston Villa" hujumchisi Jon Duranning "PSJ"ga transferi shartlari e’lon qilindi.

Parijliklarning kolumbiyalik futbolchiga qiziqishi haqidagi ma’lumotlar o‘tgan yili paydo bo‘lgandi. Jurnalist Ben Jeykobsning so‘zlariga ko‘ra, Liga 1 giganti 21 yoshli futbolchini yanvar oyida sotib olishni rejalashtirmoqda, ammo "Aston Villa" talabi katta to‘siq bo‘lishi mumkin. Chunki, Birmingem klubi taxminan 95 million yevro talab qiladi.

Parijliklar futbolchining narxini ancha past – 65 million yevroga baholamoqda. Joriy mavsumda Jon Duran "Aston Villa"ning 26 ta o‘yinida 12 ta gol urdi. Hujumchining "villaliklar" bilan shartnomasi 2030 yilning yoziga qadar mo‘ljallangan.