"Nottingem Forest" 60 yillik natijasini takrorladi

APLning 20-turida "Nottingem" safarda "Vulverxempton" mehmoni bo‘lib, 3:0 hisobida g‘alaba qozondi va chempionat turnir jadvalida uchinchi o‘ringa ko‘tarildi. Yana ular klub tarixidagi yutuqlaridan birini takrorladi.

"Nottingem" Nunu Eshpiritu Santu qo‘l ostida Premyer-liganing ketma-ket olti o‘yinida g‘alaba qozondi va bu mavsumdagi eng uzoq g‘alabali seriya hisoblanadi. Shuningdek, "o‘rmonchilar" 1966/67 yilgi mavsumdan buyon qariyb 60 yil ichida ilk bor Angliya oliy ligasida ketma-ket olti o‘yinda g‘alaba qozonishganini ham ta’kidlash joiz.