Luis Enrikega endi bu ikki futbolchi kerak emas
"PSJ" bosh murabbiyi Luis Enrike Randal Kolo-Muani va Milan Shkrinyar borasida bir qarorga keldi.
Fransiyalik va slovakiyalik yakshanba kuni bo‘lib o‘tgan Fransiya Superkubogi doirasidagi "Monako"ga (1:0) qarshi o‘yinda parijliklar safida yo‘q edi. Fransiya OAVlarining yozishicha, bunga jamoa rahbariyati endi har ikki futbolchini o‘z rejalariga kiritmagani sabab bo‘lgan. "PSJ" yanvar oyidagi transfer oynasida 26 yoshli forvard va 29 yoshli himoyachini sotish yoki ijaraga berishga harakat qiladi.
Mish-mishlarga ko‘ra, Randal Kolo-Muaniga turli chempionatlarning ko‘plab klublari qiziqish bildirmoqda. Milan Shkrinyarga asosiy da’vogar Turkiyaning "Galatasaroy"i hisoblanadi.
