"Man Siti" Husanov bilan birga yana bir yosh futbolchini jamoaga olib kelmoqchi

Angliya grandi Braziliyaning "Palmeyras" klubi markaziy himoyachisi bilan muzokaralarni boshlab yubordi.

Fabrisio Romanoning aytishicha, "Manchester Siti" Vitor Reys bilan muzokaralar olib bormoqda. Ingliz klubining dastlabki taklifi 40 million yevro atrofida.

Klub vakillari Braziliyada va futbolchining agentlari bilan uchrashishga hozirlik ko‘rmoqda.

Fransiyaning "Lans" klubi himoyachisi Abduqodir Husanov borasida ham muzokaralar davom etmoqda.