"PSJ" bosh murabbiyi jamoaning YECHLdagi holatidan tashvishda emas
Umumiy bosqichning 6 turidan so‘ng "PSJ" Chempionlar ligasi turnir jadvalida 25-o‘rinda bormoqda.
Biroq jamoa bosh murabbiyi Luis Enrike parijliklarning hozirda egallab turgan o‘rnidan xavotirda emas.
"Chempionlar ligasidagi o‘yinimiz haqida xotirjamman. Menga ko‘rganlarim yoqdi va biz rivojlanishda davom etishimizni his qilyapman. Natijalarimiz adolatsiz ekanligi aniq, lekin bu futbol. Bizning mentalitetimiz ko‘proq narsani xohlash va yaxshilashdir", dedi Enrike matbuot anjumanida.
