Gvardiola qishki transferlar haqidagi savolga javob berdi

"Manchester Siti" bosh murabbiyi Pep Gvardiola klub qishki transfer oynasida yangi futbolchilarni sotib olishni rejalashtiryaptimi, degan savolga javob berdi.

"Men buni hozir bilmayman. Bu oson emas va oson bo‘lmaydi. Balki kim bilandir imzo chekarmiz yoki hech kim bilan imzo chekmasmiz. Klub oqilona harakat qilishi kerak. Hozirda jarohat olgan futbolchilarimiz ko‘p bo‘lsa, biz harakat qilishimiz kerak, ammo bu mumkinmi yoki yo‘qligini bilmayman", dedi Gvardiola juma kuni bo‘lib o‘tgan matbuot anjumanida.

“Manchester Siti” Angliya Premyer-ligasi doirasidagi navbatdagi o‘yinini 4 yanvar, shanba kuni o‘z maydonida “Vest Xem”ga qarshi o‘tkazadi.