"Arsenal" London jamoalariga APLda mag‘lub bo‘lmayapti

Londonning "Arsenal" klubi 2024 yilda Angliya Premyer-ligasi o‘yinlarida London jamoalariga qarshi birorta ham o‘yinda mag‘lubiyatga uchramadi. Bu haqda Squawka portali xabar bermoqda.

Joriy mavsumda Londonning yettita jamoasi: "Arsenal", "Chelsi", "Tottenxem", "Fulxem", "Vest Xem", "Kristal Pelas", va "Brentford" APLda ishtirok etmoqda. O‘tgan yili "Arsenal" shu jamoalar bilan o‘yinlarda sakkizta g‘alaba qozongan va ikki marta durang o‘ynagan.

Kecha, 1 yanvar kuni "Arsenal" APLning 19-turida "Brentford"ni 3:1 hisobida mag‘lub etdi.