Rasman! "Milan" Fonseka ishdan bo‘shatilganini e’lon qildi

Dushanba kuni "Milan" rasmiy veb-saytida bayonot e’lon qilindi. Unda klub Paulo Fonseka jamoaning bosh murabbiyi lavozimidan bo‘shatilganini e’lon qildi.

"Milan" 51 yoshli Fonsekaga qilgan ishi uchun minnatdorchilik bildirdi va keyingi karyerasida muvaffaqiyatlar tiladi.

Paulo Fonseka mavsum boshidan beri "Milan" ni boshqarib kelayotgan edi. Portugaliyalik rahbarligida jamoa 24 o‘yin o‘tkazdi, unda 6 ta durnag va 6 ta mag‘lubiyat bilan 12 ta g‘alabani nishonladi. Hozirgi vaqtda "rossonerilar" A Seriya jadvalida sakkizinchi o‘rinni egallab turibdi.