"Manchester Yunayted" Bellingemni sotib olishni istamoqda

"Manchester Yunayted" "Sanderlend" yarim himoyachisi, "Real" yarim himoyachisi Jud Bellingemning ukasi Job Bellingemni o‘z safiga qo‘shib olmoqchi. Bu haqda UtdDistrict xabar berdi.

Manbaning xabariga ko‘ra, "Manchester Yunayted" futbolchini uzoq vaqtdan beri kuzatib kelmoqda va uning muvaffaqiyatidan mamnun. Klub rahbariyati bunday transfer g‘oyasiga ijobiy qaramoqda.

Job Bellingem joriy mavsumda "Sanderlend" safida barcha turnirlarda 20 ta o‘yinda maydonga tushib, 4 ta gol urdi va 3 ta golli uzatmani amalga oshirdi.