Shomurodovning keyingi manzili Osiyomi?

"Roma" markaziy hujumchisi Eldor Shomurodovga Saudiya Arabistonining bir qancha klublari qiziqish bildirmoqda.

Yevro-Football.ru internet nashrining xabar berishicha, Saudiya Arabistonining bir qator klublari qishki transfer oynasida 29 yoshli Shomurodovni taklif qilmoqchi. Qolaversa, hujumchiga Italiya chempionati jadvalining ikkinchi yarmida borayotgan bir qancha jamoalardan qiziqish bor.

"Roma" esa o‘z navbatida ijaraga qarshi emas. Oldinroq jamoa bosh murabbiyi Klaudio Ranyeri hamyurtimizni o‘z rejalariga kiritmagani va uning ketishiga qarshi emasligi ma’lum bo‘lgandi.